12th ke exam ho chuke hai. Aur ab result vi a gaya hai. Ab sab aapke marks puchenge, aap aage kya karoge ye puchenge. Aisa lagta hai jaise humse jayda humare rishtedaaro aur padosiyon ko humare tension hota hai. Believe me friends, jab koi aisa puchta hai to students ki tension aur badh jaata hai Is time sab 12th students tension me honge. Bahut se students ko marks ki tension hai, bahut students ko tension hai ki kkya unko acche college/ university me admission milegi ya nahi? Kya unka career acha hoga ya nahi? Ye sab questions ke answer aapke marks par depend karte hai. 12th ek aisa mod hai life ka jo humari life change kar deta hai. 12 class tak har student me itni samajh aa jati hai, ki vo apne liye accha career choose kar sake. Iss time bacche sahi decision le sakte hai apne career ko lekar. Jis bhi student ne 12th ke baad apna career chunne me thodi se gambhirta dikha de to vo bahut aage bad sakta hai or thik iske viprit agar kisi ne 12th ke baad career chunne me thodi bhi la parvahi dikhai to use jindagi bhar bhugatna pad sakta hai. Agar acche marks aaye to accha college, nhi to aaj ke competitive time me college me admission milna to bhul jaaye. Ye bhi sach hai ki har bacche ka caliber alag alag hota hai, to marks bhi alag alag hota hai. Marks sirf caliber par hi nhi, mehnat aur concept par bhi depend karta hai. To doston, hum kitne upar hai aur kitne pani me, ye humse accha koi nhi jaanta. Ab aap kahenge ki hum bhi aapki tension badha rahe hai. Hai na? To iska answer hai nahi doston, hum aapki tension badhane ke liye nahi, balki kam karne ke liye hazir huye hai. Aaj hum aapke sath share karenge kuch aisi information jo aapke kaam aayegi. Hum share karenge ki 12th me kam marks aane ke baad bhi konse acche career options hai. We hope ye article aapke liye helpful hoga.

12th Me Kam Marks Aane Ke Baad Kya Career Choose Kare

12 ke marks bahut important role play karte hai humari life me. 12th ke base par humara career decide hota hai. 12th ke baad man me ye questions aate hai ki kya kare, konsa subject le, konsa course kare? Ye sab vary karta hai person to person, uski soch, uski expectations etc. par. Kissi ko jaldi job chahiye to kissi ko prestigious job, kissi ko naam chahiye, to kissi ko apna talent dikhane ka moka. Ye sab aapke apki soch aur aapki preference par depend karta hai. Agar marks acche ho to kissi bhi field me ja sakte hai, lekin agar marks kam ho to lagta hai jaise career hi nhi baccha humare paas. Ye soch aaj ke time par galat hai. Kam marks koi gunah nahi hai, jo kam marks aane par hume accha career na choose karne ki saja suna di jaaye. Ye baat sach hai ki kam marks ke sath hum professional degrees acche college se nahi kar sakte, but uske jitna hi valuable career choose kar sakte hai. Most of the students, acchi job and acchi salary ke liye kaam karte hai. Jaruri nhi vo sirf professional degrees se hi possible ho. Aaj market me aise courses available hai jo hume accha career de sakte hai. Aaj hum baat karenge aise hi kuch careers ki jo 12th me kam marks hone par bhi opt kiye jaa sakte hai…

Vocational Courses

Vocational courses ek aisa career ban gaya hai jo time to time badhta ja raha hai aur students ka interest towards vocational courses bhi increase hote huye dekha gaya hai. Bas aapko apna interest, apni qualities ko janna chahiye. Aapka interest aur aapki qualities janna kyu jaruri hai? Ye bhi aapko pata hona chahiye. Let us take a example.. Ram ka interest army me hai aur vo bahut intelligent hai. But vo darpok hai… to doston khud sochiye, jo insaan khud darpok ho vo army join karega to country ka kya hoga. Uska interest to hai army me but army ki quality nhi hai. Army ke liye vo insaan chahiye jo bahut hi strong ho mentally and physically. Sabse badi quality army ki, soldiers ko apne superiors ka order follow karna padta hai bina kuch soche.. Kya hum aisa kar sakte hai? nhi, ye quality sirf army persons me hi hoti hai. Aise hi Sachin Tendulkar ki quality and interest cricket ki taraf tha, aur aaj unko pura world janata hai. PM Modi Ji ki baat kare to unki interest aur quality dono apne desh ke liye kuch karna ki hai. Amitabh Bachchan jinko sab Big B ke nam se jante hai, unki qualities actor ki hai. Socho doston, agar inke career ko aapas me change kar diya jaaye like Sachin Tendulkar ko Prime Minister bana diya jaaye, Modi Ji ko actor aur Amitab Ji ko cricketer, to kya vo aaj vaha hote jaha aaj hai. I hope you are getting my point. Sabse phele apna interest aur apni qualities janana bahut jaruri hai. Iske liye aap apne friends, family aur teachers ki help le sakte hai. Aur aisa nhi hai doston, ki agar koi quality aapke andar nahi hai to aap vo kaam nahi kar sakte. Ye ek aisi age hai, jisme hum khud me bahut changes la sakte hai, even interest and qualities bhi enhance kar sakte hai. Aapke 2 kaam kar sakte hai.. apne interest ke according apni quality develop kare ya phir apni quality ke according apna interest develop kare.

Air Hostess/ Cabin Crew/ Steward

Air Hostess aaj jaydatar ladkiyon ka sapna ban gaya hai. Air Hostess ki job ko ab ek naye najariye se dekha jata hai. Phele socha jaata tha ki jisko koi kaam nhi aata vo air hostess ka career opt karte hai, but now apni margi se girls achhe marks hone ke bavjud Air Hostess banana chahti hai. Not even girls, even boys are also showing interest towards Cabin Crew/Steward. Jo boys Air Hostess ka career opt karte hai unhe kehte hai Cabin Crew or Steward or Flight Attendant. Air hostess career ki taraf itna jayda interest ki vajah hai iski salary aur kam time ka course. Sochiye doston, jab kam time invest karne ke baad acchi job aur acchi salary mil rahi hai, to kya karna professional degree ka? Hai na.. Isse negative me mat lijiyega. Aaj ke time par badti hui airlines is baat ko sabit karte hai ki aage air hostess ki job bahut hai. Aur isme accha career bhi. Agar aapki speaking skills acchi hai to aapko ek bar jarur air hostess ke bare me sochna chahiye. Air hostess ke bare me aur janakari ke liye click kare.

Fashion Designing

Aaj ke time me har koi apna fashion designer hai. Aaj kal sabki apni fashion sense hai. Fashion designing me career ek accha option hai. Agar aap apne styling ya dressing ke liye jaane jaate hai aur aapko clothes ki acchi jankari hai. To aapko ek baar fashion designing ke bare me sochna chahiye. Fashion Designer ka sabse phela kaam dresses mein naye naye design dena hai. Jisse ki vo logo ko pasand aaye aur log unko kharide. Fashion Designer ko aaj kal ke chal rahe fashion aur logo ke taste ke hisab se kaam karna hota hai. Fasion designing mein aane ke liye aapko bazar mein fashion ke bare mein pata hona chahiye. Aur kapdon, Kapdon ki silai, Kapdon ke rang aur design ka bhi gyan hona chahiye. Fashion designing ke most of the universities 12th me 45% marks mangti hai. Kissi kissi university me iska entrance test hota hai.

Photography

Aaj kal photos aur selfies ka jamana hai. Kyu doston? Aap bhi photos aur selfies ke shokin to honge hi. Kyu na isse career ke liye choose kiya jaye. Ji han, jo logo ko photography ki janakri hai ya jinka photography me interest hai to vo photography ko apna career choose kar sakte hai. Aap apna interest aur apna passion ke jariye pure world me apna naam kama sakte hai. Iss field me excellence me pane ke liye creativity bahut jaruri hai.

Acting, Dancing & Music

Aaj kal bahut se students ka interest acting, dancing aur music ki taraf badh raha hai. Lekin sahi guidance aur full information na hone ke karan, kuch students ka ye sapna pura nahi ho pata hai. Hum aapko bata de Acting, Dacing ko apna career choose karne ke liye aapko acting school join karna hota hai jaha aap apne according alag alag courses aur alag alag duration ke sath opt kar sakte hai. Agar aapko lagta hai aapki acting, dancing ya music skills acchi hai to aap Acting school join kar sakte hai.

Information Technology

Agar aapko apne pc se pyaar hai, aapki computers ke bare me acchi janakri hai aur aap computer field me apna career banane ke bare me soch sakte hai. IT field me jaydatar computer aur telecommunications system ke design, administration ke bare me study kiya jaata hai. Jo students IT me apna career banana chahte hai unhe logical aur critical thinking skills ko improve karna hoga. IT help karti hai jaldi communication, data exchange, electronic data stroge, business secrets aur records ko maintain karne me. IT ke students alag alag field me specialist ban sakte hai jaise software development, application management, hardware support and network architecture. Agar aapko lagta hai ki aapme ek IT candidate ki qualities hai to aapko jarur IT join karni chahiye.

Beauty Course ( Makeup & Styling)

Beauty Courses relating to makeup and hair styling ajakal bahut trend me hai. Aajkal sab apne skin, beauty aur hairs ko leke bahut conscious hai. Aisa kaha jaata hai ki ladkiya apni skin, hair, beauty ke liye bahut tensed rehti hai lekin ab boys unse bhi jayda conscious ho gaye hai. Aur issi liye beauty courses ki demand day to day badhti jaa rahi hai. Beauty, hair styling and hair management har kissi ko perfect look dene ke liye bahit important hai. Hair stylist kaam karte hai humare hairs ko best look dene me aur hair ko healthy kaise rakha jaaye ye advice karti hai. Jaise hair stylist ka kaam hai hairs ki dekh bhal karna, aise hi beautician humari skin ko glowing aur healthy banaye rakhne ke liye humari help karte hai. Aur free me nahi janab, acchi khaashi vasooli karti hai ? Iss industry ki sabse aachi baat hai Beauty Courses me career start karne ke liye koi bhi age nhi hai, hum jab margi chahe start kar sakte hai. Iss career ke liye sirf aapka passion kaam aayega. Isme cosmetology, hair styling, aesthetics, manicure, pedicure and electrolysis me apna career bana sakti hai. Apna course complete karne ke baad aap apna khud ka parlor khol sakte hai ya luxurious salon me apna work experience bana sakte hai. Experienced beauticians jayda demand me rehte hai. Kafi modelling aur theatre industry me log beauticians ko hire karte hai apne shooting ke liye.

Banking & Finance

Banking me career ek accha career jana jaata hai. Banking me career ab jayda mushkil baat nahi hai. Agar aap bhi banking ya finance me apna career banana chahte hai to direct 12th ke baad course kar sakte. Banks country ka financial system hote hai, banks se hi pata chalta hai economy of country. Finance vo feild hai jo deal karti hai investments ki study me. Financing Adviser ka kaam hai company aur persons ko batana ki vo kaha invest kare, kaha unka paisa safe hoga, kaha se interest jayda milega. Financial adviser ka kaam hai apne clients ka interest jayda se jayda karna. Banks me aap clerk, Provisional officer, stockbroker, statistician, credit control manager, corporate banking executive etc. post par kaam kar sakte hai.

Vocational Courses Karwane Vali Universities

Sirf course hi nahi, hum aapke liye university ki list bhi share kar rahe hai jo vocational courses karwate hai.

International Institute of Information Technology, Bangalore

Swami Shraddhanand College, Delhi

Bhim Rao Ambedkar College, Delhi

St. Thomas College, Kerala

Khalsa College, Punjab

NetajiSubhas National Institute of Sports, Punjab

College of Commerce, Arts and Science, Patna

St. Francis College for Women, Hyderabad

K.T.H.M. College,Nashik
BN College, Patna

I hope ap savi ko ye post pasand aya hoga or helpful bi hua hoga so pls ap ka Disto ko vi share kare.
Thank You Have A Nice Day

Get more update On your Email

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Sharing is carring

LEAVE A REPLY

Please enter your comment!
Please enter your name here